Lajme

Flet Alban Shillova i rikthyer nga lëndimi

Flet Alban Shillova i rikthyer nga lëndimi

“Ndjehem mirë pas kthimit – i zhgënjyer me humbjen dje, por kam besim të plotë në fitoren ndaj Ballkanit”

Alban Shillova

Prishtinë, 26 tetor 2020 – Pas disa muajve mungesë prej lëndimit, dje u rikthye në fushë sulmuesi shtatlartë, djaloshi nga Prishtina, Alban Shillova i cili zhvilloi rreth 25 minuta lojë duke pasur edhe një tentim që ishte rast ideal shënimi, por që megjithatë u prit nga individi më i mirë i ndeshjes, portieri gjilanas, Enea Koliçi.

“U ndjeva shumë mirë që u ktheva sërish në fushë, megjithëse kthimin e prisja edhe më herët, por lëndimi kishte bërë të veten. Gjithsesi do të ndihesha edhe më mirë dhe jo i zhgënjyer sikur do të përfundonte rezultati ndryshe nga ai që përfundoi. Pata një rast ideal, atë e kam punë, për mendimin tim e mendova gjuajtjen mjaft mirë, por dje portieri Koliçi ishte thjesht i pamposhtur”.

“Tani na pret ndeshja të mërkurën me Ballkanin. Mision i vështirë, por jo i paarritshëm. Ne shkojmë për pikët e plota për çka kam besim të plotë në grupin e lojtarëve që kemi pasi këtë gjë e kanë dëshmuar me lojë. Ne na duhet të na përcjell pak edhe fati më shumë, sidomos më shumë se sa në ndeshjen e djeshme”.