Lajme

Java XVII: Prishtina – Drita

Java XVII: Prishtina – Drita

Prishtinën vetëm fitorja e mban në krye të tabelës

Prishtinë, 1 dhjetor 2018 – Nesër zhvillohet ndeshja e fundit kampionale për stinorin vjeshtor.  Drita, kampion aktual, por këtë edicion e 4-ta momentalisht me 14 pikë mbrapa Prishtinës, por gjilanasit mbetën skuadra e vetme që kanë fituar kundër kryeqytetasve në ndeshjen e fundit në Gjilan 1:0. Nga ajo ndeshje Prishtina nuk ka pësuar humbje në 11 ndeshje rresht, prej tyre 10 kampionale, ndërsa nuk ka pësuar gol në 8 ndeshje rresht. Krejt këto statistika nuk do të mjaftojnë sikur mos të mposhtet rivali i nesërm sidomos pas fitores së Feronikelit sot. Prishtinën vetëm fitorja e shpall kampion vjeshtor dhe bënë të ruaj pozitën e parë para shkuarjes në pushim dimëror.

Prishtina do të vuaj mungesën e mbrojtësit me kartonë, Leotrim Bekteshi, por Ahmet Haliti tani më është i gatshëm pas lëndimit që kishte pësuar me Ballkanin. Edhe Gauthier Mankenda tani mund të aktivizohet pas lënies jashtë prej lëndimit bash në ndeshjen me Dritën.

Java XVII

Prishtina – Drita

E diel, 2 dhjetor – ora 15:00

Gjyqtarët : Selim Isufi (Mt),  Besnik Morina (Vu), Alban Ejupi (Pd) - Leotrim Mustafa (Pd)

Çmimi i biletave: 2 euro (lindje), 3 euro (perëndim) dhe 10 euro (VIP)

Bekaj: Nesër duhet të fitojmë për kampion vjeshtor

“Normalisht, Drita ka ekip të mirë, janë të vetmit që na kanë mposhtur dhe janë kampion. Por, e diela do të jetë ditë feste për ne pasi që fitorja do të na shpall kampion vjeshtor”, ka thënë portieri Bekaj. 

Statistikat:

Prishtina dhe Drita kanë zhvilluar 43 ndeshje në tre garat zyrtare pas luftës. Prishtina ka bilanc larg pozitiv prej 19 fitoreve, 15 barazime dhe 9 humbje me goldallim +23, 57:34. Drita ka seri pozite nga pesë e ndeshjet e fundit ku ka arritur t’i fitoj 3 ndeshje dhe të barazoj në 2 prej tyre çka i ka mundësuar titullin e dytë të kampionit dhe Superkupën.

Dy skuadrat në 43 takime kanë shënuar 91 gola apo 2.1 për ndeshje, por është Prishtina që me 57 golat e shënuar ka mesatare prej 1,3 golave, ndërsa Drita ka bilanc shumë të varfër, vetëm 34 gola apo 0.8 gola për ndeshje,

Dy skuadrat më së shpeshti kanë luajtur 1:1 – 8 herë, prej tyre 7 në Gjilan. Përderisa Drita nuk ka fitore më të lartë se dy gola epërsi, Prishtina ka regjistruar fitore prej 3:0 – 3 herë, ndërsa më të thellën e ka 5:0.

57 golat e Prishtinës i kanë shënuar 35 futbollistë dhe prin Basid Khalid me 5 (1x3, 1x2). Nga futbollistët tjerë të tanishëm kanë shënuar edhe Mankenda 2.
34 golat e Dritës i kanë shënuar 27 futbollistë dhe nuk ka asnjë me mbi 2 gola duke prirë Xhevdet Shabani. Përveç me Dritën 2 gola, e ka edhe 1 me Lepencin.

Në 43 takime Prishtinës i kanë prirë 14 trajner, ndërsa Mirel Josa nga 4 ndeshje ende nuk e ka shijuar fitoren – i ka 2 barazime e 2 humbje me goldallim 1:3.

Në anën tjetër Dritës i kanë prirë 17 trajner, kurse Shpëtim Duro e ka vetëm 1 ndeshje të cilën e ka fituar 1:0.