Prishtina – Kosova(V) 1:0

Prishtina mposhti Kosovën(V), në kuadër të xhiros së xhiros së 27-të.

Prishtinë, 28 prill – Në kuadër të xhiros së 27-të të Superligës së Kosovës në futboll, FC Prishtina mposhti Kosovën(V), me rezultat 1:0.

Golin e vetëm në këtë takim e realizoi sulmuesi Suad Saliagiq, kur po zhvillohej minuta e 70-të.

Trajneri i Prishtinës, Ramiz Krasniqi mendon se ekipi i tij shënoi fitore të merituar edhe pse ishte një lojë shumë e vështirë.

“Në radhë të parë futbollistët e mi kanë qenë të ngarkuar me të dëgjuar fjalë të ndryshme në qytet se kjo ndeshje është me marrëveshje. Mirëpo, të gjitha spekulimet u demantuan dhe Prishtina shënoi fitore.

Në pjesën e dytë e patëm më shumë iniciativë në fushë dhe me meritë realizuam golin e fitores”, tha Krasniqi, pas përfundimit të ndeshjes.

Ndërsa, në kuadër të xhiros së 28-të, Prishtina do të jetë mysafire e Vëllaznimit.