Pas hedhjes së shortit në zyret e Federatës së Futbollit të Kosovës, FC Prishtina e ka mësuar rivalin në gjysmëfinalet e Kupës së Kosovës.
Prishtina do të përballet me FC Vushtrrinë, ekip që garon në Ligën e Parë.
Në këtë fazë të garës do të zhvillohen dy ndeshje (vajtje/ardhje).
Ndeshja e parë do të zhvillohet në Vushtrri më 5 prill, kurse ajo e kthimit në Prishtinë më 19 prill.
Ndryshe, ekipi “bardhekaltër” në çerekfinale eliminoi Ballkanit duke e mposhtur me rezultat 2:0.
Paraprakisht e ka eliminuar në 1/8 e finales Dukagjinin e Klinës duke e mundur me rezultat 3:1.
Kryeqytetasit në fazën 1/16 ka kaluar pa lojë pasi që Vëllaznimi i Gjakovës ishte tërhequr nga gara.
Prishtina nga viti 1992 ka fituar 7 herë Kupën e Republikës, prej tyre 5 herë pas luftës.
Ky është edicioni i 4-t rresht që skuadra kualifikohet në gjysmëfinale.
Prishtina trofeun e fundit e ka të fituar në edicionin 2019/20.